Kerala.myparish.net
Posted On: 01/10/18 20:29



തിരുസഭയിലെ ഒരു വിഭാഗം വൈദികരിലും സന്ന്യസ്തരിലും അല്മായരിലും ഇന്ന് സംഭവിച്ച് കൊണ്ടിരിക്കുന്ന വിശ്വാസത്യാഗവും ധാർമ്മികാധ:പതനവും കണ്ട് മനസ്സ് തളർന്നിരിക്കുന്നവർക്ക് വളരെ പ്രത്യാശ നല്കുന്ന വചന സന്ദേശമാണ് ഇന്നലെ രാത്രി ശാലോം ടെലിവിഷനിൽ പ്രക്ഷേപണം ചെയ്ത അഭിഷേകാഗ്നി ശുശ്രൂഷ വഴി പ്രിയ വട്ടായിലച്ചൻ പങ്ക് വച്ചത്. വചന സന്ദേശത്തിന്റെ ചുരുക്കം ഇതാണ്. ഇതെല്ലാം മുൻപ് പ്രവചിക്കപ്പെട്ടതു പോലെ സംഭവിക്കേണ്ടത് തന്നെയാണ്. നാം പലരും കരുതുന്നത് പോലെ തിരുസഭയെ ലോകം മുഴുവൻ അംഗീകരിക്കുകയും തിരുസഭയിലെ എല്ലാവരും തന്നെ വിശുദ്ധിയിലേക്കും വിശ്വാസ പൂർണ്ണതയിലേക്കും കടന്ന് വരുന്ന നാളുകൾ ആയിരിക്കുകയില്ല വരും നാളുകൾ. പകരമായി ദൈവവചനങ്ങളും കത്തോലിക്കാ സഭയുടെ മതബോധന ഗ്രന്ഥവും പ്രവചിക്കുന്നത് പോലെ ക്രിസ്തുവിന്റെ രണ്ടാം വരവിന് മുന്നോടിയായി തെറ്റിദ്ധാരണകളുടേയും പീഡനങ്ങളുടേയും നാളുകളിലൂടെ തിരുസഭ കടന്ന് പോകേണ്ടി വരും. നെല്ലും പതിരും വേർതിരിക്കപ്പെടുന്ന ആ നാളുകളിൽ അനേകർ വിശ്വാസ ജീവിതം ഉപേക്ഷിക്കും. ക്രിസ്തുവിന്റെ തുടർച്ചയായ തിരുസഭയും, ക്രിസ്തു ക്രൂശിക്കപ്പെട്ടത് പോലെ ക്രൂശിക്കപ്പെടും. ആ ക്രൂശീകരണത്തിനു ശേഷം ക്രിസ്തുവിന്റെ ഉത്ഥാനത്തിനോട് സമാനമായ മഹത്ത്വത്തോടെ തിരുസഭയും ഉയിർത്തെഴുന്നേല്ക്കും. കൂടുതൽ അറിയാൻ ആ വചന സന്ദേശത്തിന്റെ You Tube Link ഇതിനോടൊപ്പം നല്കുന്നു.




Article URL:
 

 




Quick Links

MyParish.Net - Myparish.net Community - a Catholic Social Media   |   Terms of Use   |   Privacy Policy